దోహా: సోషల్ మీడియా వేదికలపై చక్కర్లు కొడుతున్న వైరల్ వీడియోపై ఖతార్ ఫ్యూయల్ కంపెనీ (WOQOD) స్పందించి, ఒక ప్రకటనను విడుదల చేసింది. తమ సేవా కేంద్రాలలో పనిచేసే సిబ్బంది ఆరోగ్యం మరియు భద్రతకు తాము అత్యంత ప్రాధాన్యతనిస్తున్నామని పేర్కొంది.

సమ్మర్ లో ఉండే అధిక ఉష్ణోగ్రతల నుండి ఉద్యోగులను రక్షించడానికి అనేక చర్యలను తీసుకుంటున్నట్లు కంపెనీ తెలిపింది. తమ సేవా కేంద్రాల ఉద్యోగులలో 'హీట్ స్ట్రెస్' ప్రమాదాన్ని తగ్గించడానికి, ఈ నెలలో అదనపు నివారణ చర్యలను ప్రవేశపెడుతున్నట్టు పేర్కొన్నది. ఏడాది పొడవునా తమ సేవా కేంద్రాలలో అత్యున్నత స్థాయి భద్రత, రక్షణ మరియు ఉత్తమ నిర్వహణ పద్ధతులను అమలు చేస్తున్నట్లు కంపెనీ స్పష్టం చేసింది.