దోహా: ఖతార్‌లో పెరుగుతున్న ఉష్ణోగ్రతల దృష్ట్యా ప్రజలు బయట ఉన్నప్పుడు వేడి వల్ల కలిగే అనారోగ్య సమస్యల (heat stress) నుండి రక్షణ పొందేందుకు 'పబ్లిక్ హెల్త్ మంత్రిత్వ శాఖ' (MoPH) కొన్ని సూచనలను జారీ చేసింది.

1. ప్రతి 15-20 నిమిషాలకు ఒకసారి చల్లని నీటిని తాగాలి.

2. టీ, కాఫీ, ఎనర్జీ డ్రింక్స్ మరియు సాఫ్ట్ డ్రింక్స్ కు దూరంగా ఉండాలి .

3. నీడ లేదా చల్లని ప్రదేశంలో రెస్ట్ తీసుకోవాలి.

4. ఆరోగ్యకరమైన మరియు తేలికపాటి ఆహారాన్ని తీసుకోవాలి.

5. తేలికపాటి మరియు వదులుగా ఉండే దుస్తులను ధరించాలి.

6. బయట ఉన్నప్పుడు తల కవర్ అయ్యేలా కప్పుకోవాలి.

వలస కార్మికులకు ఈ సమాచారం విస్తృతంగా చేరేలా చూసేందుకు, ఆరోగ్య మంత్రిత్వ శాఖ ఈ సూచనలను ఇంగ్లీష్, అరబిక్, ఉర్దూ మరియు ఇతర ఆసియా భాషలతో సహా వివిధ భాషలలో ప్రచురించింది.

వేసవి కాలంలో ఉదయం 10 గంటల నుండి మధ్యాహ్నం 3:30 గంటల వరకు బహిరంగ ప్రదేశాల్లో పని చేయడాన్ని కార్మిక మంత్రిత్వ శాఖ నిషేధించింది. సెప్టెంబర్ 15 వరకు అమల్లో ఉండే ఈ నిబంధన ప్రకారం, బహిరంగ ప్రదేశాల్లో పనులు నిర్వహించే యజమానులు, కంపెనీలు మరియు సంస్థలు తమ పని వేళలను మార్చుకోవాలి. అలాగే, కార్మికులకు తగిన విశ్రాంతి ఏర్పాట్లు చేయాలి.