దోహా: ఖతార్ ఎయిర్ స్పేస్ మూసివేశారని, అలాగే ఫ్లైట్స్ క్యాన్సిల్ చేశారని సోషల్ మీడియాలో షేర్ అవుతున్న వార్తలను ఖతార్ సివిల్ ఏవియేషన్ అథారిటీ (QCAA)  ఖండించింది. ఆ వార్తల్లో నిజం లేదని అథారిటీ స్పష్టం చేసింది. అధికారికంగా విడుదలయ్యే సమాచారాన్ని మాత్రమే విశ్వసించాలని ఈ సందర్భంగా కోరారు.  

అత్యున్నత స్థాయి భద్రత మరియు సామర్థ్యంతో విమానయాన సేవల (air navigation services) నిరంతర నిర్వహణను నిర్ధారించేందుకు ప్రత్యామ్నాయ విమాన మార్గాలను గుర్తించే ఉద్దేశంతోనే తాము ప్రస్తుత 'నోటీస్ టు ఎయిర్‌మెన్' (NOTAM)ను జారీ చేశామని అథారిటీ ఒక ప్రకటనలో వెల్లడించింది. ఇక విమానయాన నావిగేషన్ సేవలు యథావిధిగా కొనసాగుతున్నాయని తెలిపింది.