యూఏఈ: షార్జాలోని అల్ నస్సేరియా ప్రాంతంలో శుక్రవారం తెల్లవారుజామున ఒక రెసిడెన్సీ అపార్ట్‌మెంట్‌లో అగ్నిప్రమాదం సంభవించింది. ఈ ప్రమాదం నుంచి ఒక నవజాత శిశువుతోపాటు ఫ్యామిలీని రెస్క్యూ టీమ్స్ సురక్షితంగా రక్షించారు. ఒక నివాస భవనంలోని రెండవ అంతస్తులో ఉన్న అపార్ట్‌మెంట్‌లో అగ్నిప్రమాదం జరిగినట్లు తెల్లవారుజామున 1.35 గంటలకు ఆపరేషన్స్ రూమ్‌కు సమాచారం అందిన వెంటనే, షార్జా సివిల్ డిఫెన్స్ బృందాలు వేగంగా స్పందించాయి.

షార్జా సివిల్ డిఫెన్స్ ప్రకారం, అపార్ట్‌మెంట్‌లోని ఎయిర్ కండిషనింగ్ యూనిట్ నుండి మంటలు చెలరేగాయి. బ్బంది నివాసంలో చిక్కుకున్న చిన్నారితో సహా కుటుంబ సభ్యులను సురక్షితంగా బయటకు తీసుకువచ్చారు. మంటలు పక్కనున్న అపార్ట్‌మెంట్‌లకు వ్యాపించకముందే బృందాలు వాటిని విజయవంతంగా అదుపులోకి తెచ్చాయి. ఈ ఘటనపై షార్జా సివిల్ డిఫెన్స్ అథారిటీ డైరెక్టర్ జనరల్ బ్రిగ్ యూసిఫ్ ఒబైద్ హర్మోల్ అల్ షమ్సీ మాట్లాడుతూ.. సివిల్ డిఫెన్స్ సిబ్బంది ప్రదర్శించిన  అంకితభావానికి ఈ రెస్క్యూ ఆపరేషన్ నిదర్శనమని అన్నారు. ఈ ఘటనను అదుపులోకి తీసుకురావడంలో మరియు కుటుంబాన్ని ఎటువంటి గాయాలు లేకుండా రక్షించడంలో ఫీల్డ్ బృందాల మధ్య వేగవంతమైన ప్రతిస్పందన మరియు సమర్థవంతమైన సమన్వయం కీలక పాత్ర పోషించాయని అల్ షమ్సీ తెలిపారు.