కువైట్: కువైట్ గగనతలంలో విమాన రాకపోకలు సాధారణ స్థితికి వచ్చాయి. ఈ మేరకు  జనరల్ అథారిటీ ఆఫ్ సివిల్ ఏవియేషన్ ప్రకటించింది. దేశ గగనతలంలో అత్యున్నత స్థాయి భద్రతను నిర్ధారించడానికి, కువైట్ మరియు విదేశాలలోని సంబంధిత అధికారులతో సమన్వయం చేసుకుంటున్నట్లు,  పరిస్థితిని నిరంతరం నిశితంగా పర్యవేక్షిస్తున్నామని ఆ సంస్థ తెలిపింది.

కువైట్ అంతర్జాతీయ విమానాశ్రయంలో సాధారణ కార్యకలాపాలు పునఃప్రారంభమయ్యాయని, విమానాలు షెడ్యూళ్ల ప్రకారం నడుస్తున్నాయని సివిల్ ఏవియేషన్ అథారిటీ ధృవీకరించింది. పరిస్థితిని నిరంతరం పర్యవేక్షిస్తున్నామని, అవసరమైతే తక్షణమే అవసరమైన చర్యలు తీసుకుంటామని వెల్లడించింది. తాజా సమాచారం మరియు అప్‌డేట్‌ల కోసం అధికారిక ఛానళ్లను ఫాలో కావాలని సివిల్ ఏవియేషన్ అథారిటీ ప్రజలను కోరింది.