దోహా: 2026 గ్లోబల్ పీస్ ఇండెక్స్‌లో మధ్యప్రాచ్యం మరియు ఉత్తర ఆఫ్రికా (MENA) ప్రాంతంలో ఖతార్ మొదటి స్థానంలో నిలిచింది. ఈ విషయాన్ని నేషనల్ ప్లానింగ్ కౌన్సిల్ ఒక ప్రకటనలో వెల్లడించింది. ప్రాంతీయంగా సంఘర్షణ వాతావరణం ఉన్నప్పటికీ, ఈ ప్రాంతంలోని అత్యంత స్థిరమైన మరియు సురక్షితమైన దేశాలలో ఒకటిగా ఖతార్ నిలిచిందని పేర్కొంది. 2026 నాటికి ఖతార్ స్కోరు 1.400 నుండి 1.369కి పెరిగింది. భద్రత, ప్రజా భద్రత మరియు  జాతీయ సామర్థ్యాలు మరియు సామాజిక సమైక్యత సమర్థతను ఈ పురోగతి తెలియజేసిందని కౌన్సిల్ తెలిపింది.

గ్లోబల్ పీస్ ఇండెక్స్‌ ను ఇన్‌స్టిట్యూట్ ఫర్ ఎకనామిక్స్, పీస్ ద్వారా ఏటా ప్రచురిస్తుంది. ఇది సామాజిక భద్రత, కొనసాగుతున్న దేశీయ మరియు అంతర్జాతీయ సంఘర్షణ మరియు సైనికీకరణకు సంబంధించిన సూచికలను అంచనా వేయడం ద్వారా దేశాల మధ్య శాంతి స్థాయిని తెలియజేస్తుంది. దేశాల స్థిరత్వం మరియు భద్రత, అలాగే సుస్థిర అభివృద్ధి, పెట్టుబడి మరియు జీవన నాణ్యతకు తోడ్పడే పరిస్థితులను అంచనా వేయడానికి పాలసీ మేకర్స్ కు ఈ ఇండెక్స్ ఒక ముఖ్యమైన కొలమానంగా ఉపయోగపడుతుంది.