కువైట్: కువైట్ అంతర్జాతీయ విమానాశ్రయంలోని టెర్మినల్ 4 (T4) ద్వారా గల్ఫ్, అరబ్ మరియు విదేశీ విమానయాన సంస్థల పరిమిత కార్యకలాపాలను పునఃప్రారంభించినట్లు డైరెక్టరేట్ జనరల్ ఆఫ్ సివిల్ ఏవియేషన్ (DGCA) ప్రకటించింది. ప్రయాణికులకు సేవలు అందించడం, విమానయాన కార్యకలాపాల కొనసాగింపునకు మద్దతు ఇవ్వడం తమ జాతీయ బాధ్యత అని ఒక ప్రకటనలో డీజీసీఏ తెలిపింది. విమానయాన సంస్థలతో మాట్లాడి, కార్యాచరణ షెడ్యూళ్లను నిర్ధారించి, టెర్మినల్ ద్వారా సేవలను క్రమంగా పునరుద్ధరిస్తామని DGCA తెలిపింది.

కువైట్‌కు రాకపోకలు సాగించే పౌరులు మరియు నివాసితుల ప్రయాణ అవసరాలను తీర్చడమే తమ లక్ష్యమని పేర్కొంది. ఎలాంటి అసౌకర్యం కలగకుండా ఉండేందుకు, ప్రయాణికులు విమానాశ్రయానికి బయలుదేరే ముందు తమ విమానాలకు సంబంధించిన తాజా సమాచారాన్ని తనిఖీ చేసుకోవాలని సూచించారు. అలాగే తమ సంబంధిత విమానయాన సంస్థలను సంప్రదించాలని కోరింది.