ప గలంతా ఇంట్లోనే ఉండిపోయి టీవీ చూస్తారా.. మీ ఇష్టం! ఆఫీసులో ఎనిమిదిగంటలపాటు ఒకే సీట్లో కూర్చుని పనిచేస్తారా.. ఫర్వాలేదు!! రోజల్లా మీకు ఏ శారీరక శ్రమ లేకున్నా ఇబ్బందిలేదు.. కానీ ఉదయం ఏదో ఒక సమయంలో ఓ గంటపాటు వ్యాయామం చేయండి చాలు.. అంటున్నారు నిపుణులు. మన జీవనశైలి ఎలా ఉన్నా ఈ అరవై నిమిషాల వ్యాయామం వల్ల మధుమేహం, హృద్రోగం, క్యాన్సర్‌ వంటివి రాకుండా నిరోధించవచ్చంటున్నారు. బ్రిటన్‌లోని కేంబ్రిడ్జి విశ్వవిద్యాలయం, నార్వీజియన్‌ స్కూల్‌ ఆఫ్‌ స్పోర్ట్స్‌ సైన్సెస్‌ కలిసి సుమారు 10 లక్షలమంది స్త్రీ, పురుషులతో నిర్వహించిన ఓ పరిశోధన తేల్చిన నిజమిది. నిత్యం జిమ్‌కి వెళ్లేవాళ్లూ, ఏదైనా ఆటని వృత్తిగా చేసుకునేవాళ్లలోనే కాకుండా.. గంటపాటు వ్యాయామం చేసేవారూ అనారోగ్యాలకు దూరంగానే ఉన్నారని తేల్చారు.