దోహా: ఖతార్ లోని రియల్ ఎస్టేట్ రెగ్యులేటరీ అథారిటీ ‘రిపోర్ట్ కాన్ఫిడెన్షియల్లీ’ అనే పేరుతో ఒక కొత్త డిజిటల్ సేవను అధికారికంగా ప్రారంభించింది.  రియల్ ఎస్టేట్ రంగంలో మోసాలు మరియు చట్టవిరుద్ధమైన పద్ధతులను రహస్య మార్గాల ద్వారా నివేదించడానికి వీలు కల్పించేలా ఈ సర్వీసును రూపొందించారు.ఈ మేరకు తన X ప్లాట్‌ఫారమ్‌లో ఒక పోస్ట్‌ షేర్ చేసింది.

పర్యవేక్షణ యంత్రాంగాలను మెరుగుపరచడానికి మరియు నైతిక ప్రవర్తనను ప్రోత్సహించడానికి జరుగుతున్న విస్తృత ప్రయత్నాన్ని ఇది ప్రతిబింబిస్తుందన్నారు. రియల్ రంగంలో మోసాలను గుర్తించడంలో ప్రజల భాగస్వామ్యాన్ని మరింతగా ప్రోత్సహించేందుకు ఈ సర్వీసును ప్రారంభించినట్టు అథారిటీ తెలిపింది.

డేటా రక్షణ మరియు గోప్యతకు అధిక ప్రాధాన్యతనిస్తూ ఈ వ్యవస్థ అభివృద్ధి చేయబడిందన్నారు. సమర్పించిన సమాచారం అంతా సురక్షిత ఛానెళ్ల ద్వారా నిర్వహించబడుతుందని మరియు అత్యంత గోప్యంగా ఉంటుందని వెల్లడించింది.

 ఈ సర్వీస్ అనేక డిజిటల్ మార్గాల ద్వారా అందుబాటులో ఉందని అథారిటీ పేర్కొంది. ప్రత్యేక క్యూఆర్ కోడ్‌ను స్కాన్ చేయడం ద్వారా లేదా అథారిటీ అధికారిక వెబ్‌సైట్‌ను సందర్శించడం ద్వారా నివేదికలను సమర్పించవచ్చని తెలిపింది.