ప్రముఖ యోగా గురువు బాబా రాందేవ్‌ అమెరికాలో పర్యటించనున్నారు. న్యూయార్క్‌లో జరగనున్న 70వ స్వాతంత్య్ర దినోత్సవ పరేడ్‌లో ఆయన పాల్గొంటారు. ఆగస్టు 21న నిర్వహించే ఈ పరేడ్‌కు ఆయనను ముఖ్య అతిథిగా ఆహ్వానించినట్లు ఫెడరేషన్‌ ఆఫ్‌ ఇండియన్‌ అసోసియేషన్‌(ఎఫ్‌ఐఏ) ఒక ప్రకటనలో తెలిపింది. ఈ సందర్భంగా అమెరికాలోని హూస్టన్‌ నగరంలో యోగా శిబిరాన్ని నిర్వహించనున్నారు. ఉత్తర అమెరికా పర్యటనలో భాగంగా ఆయన కెనడాలోని ఒంటారియో, హూస్టన్‌ నగరాల్లో పర్యటించి యోగా శిక్షకులు, సాధకులను ఉద్దేశించి ప్రసంగించనున్నారు.