తెలుగింటి సీతమ్మగా అందరి మనసులలో చెరగని ముద్ర వేసుకున్న స్నేహ పెళ్ళి తర్వాత కాస్త సినిమాలకు దూరమైంది. గత ఏడాది స్నేహాకు విహాన్ అనే కుమారుడు జన్మించడంతో పూర్తిగా సినిమాలకు బ్రేక్ ఇచ్చింది. ఇప్పుడు తన సెకండ్ ఇన్నింగ్స్ స్టార్ట్ చేసేందుకు రెడీ అయింది స్నేహ. మమ్ముట్టి హీరోగా తెరకెక్కనున్న ఓ మలయాళ సినిమాతో రీ-ఎంట్రీ ఇస్తున్నారట. ఫ్యామిలీ డ్రామా కమ్ థ్రిల్లర్‌గా తెరకెక్కనున్న ఈ సినిమాలో మమ్ముట్టి భార్యగా స్నేహ కనిపిస్తారని సమాచారం. ఈ చిత్ర కథ స్నేహకు చాలా నచ్చడంతో వెంటనే ఓకే అనేసిందట. తొలుత ఆ పాత్ర కోసం నయనతారతో పాటు పలువురి పేర్లు పరిశీలనలోకి వచ్చిన స్నేహ పర్ ఫెక్ట్ గా సూటవుతారని యూనిట్ ఆమెని సంప్రదించారు. ఈ నెలాఖరున ఈ సినిమా షూటింగ్ మొదలు కానుంది.