మస్కట్: నిర్వహణ పనుల కారణంగా అమెరత్–బౌషర్ మౌంటేన్ రోడ్ రెండు రోజుల పాటు తాత్కాలికంగా మూసివేస్తున్నట్లు మస్కట్ మున్సిపాలిటీ ప్రకటించింది. ఈ నిర్ణయం రాయల్ ఒమాన్ పోలీస్ (ROP) సహకారంతో తీసుకున్నట్లు తెలిపింది.

మున్సిపాలిటీ ప్రకారం.. జూలై 23 సాయంత్రం నుంచి జూలై 25 సాయంత్రం వరకు అమెరత్ విలాయత్ నుంచి బౌషర్ విలాయత్‌కు వెళ్లే దిశలో రాకపోకలు పూర్తిగా నిలిపివేయబడతాయి. రహదారి పక్కనున్న రక్షణ కంచెలపై పేరుకుపోయిన లేదా జారిపోయే ప్రమాదంలో ఉన్న రాళ్లను తొలగించి, మార్గాన్ని మరింత సురక్షితంగా మార్చేందుకు ఈ నిర్వహణ పనులు చేపడుతున్నట్లు అధికారులు తెలిపారు.

మూసివేత సమయంలో వాహనదారులు ప్రత్యామ్నాయ మార్గాలను ఉపయోగించాలని, రహదారిపై ఏర్పాటు చేసిన దిశానిర్దేశక బోర్డులను అనుసరించాలని మస్కట్ మున్సిపాలిటీ సూచించింది. నిర్వహణ పనులు కొనసాగుతున్న సమయంలో ప్రజలు ముందుగానే తమ ప్రయాణాలను ప్రణాళిక చేసుకోవాలని, ట్రాఫిక్ అధికారులకు సహకరించి రహదారి భద్రతను కాపాడాలని మస్కట్ మున్సిపాలిటీ విజ్ఞప్తి చేసింది.