దోహా: ఖతార్ ఎయిర్‌వేస్ బహ్రెయిన్, కువైట్, ఇరాక్‌లోని ఎర్బిల్ నగరాలకు తన విమాన సర్వీసులను తాత్కాలికంగా నిలిపివేస్తున్నట్లు ప్రకటించింది.

ఎయిర్‌లైన్ విడుదల చేసిన ట్రావెల్ అలర్ట్ ప్రకారం..  బహ్రెయిన్ (BAH) మరియు ఎర్బిల్ (EBL) మార్గాల్లో విమాన సర్వీసులు 2026 జూలై 25 వరకు నిలిపివేయబడతాయి.

అలాగే కువైట్ (KWI)కు వెళ్లే మరియు అక్కడి నుంచి వచ్చే ఖతార్ ఎయిర్‌వేస్ విమానాలు జూలై 31 వరకు రద్దు చేసినట్లు తెలిపింది.

ఈ నేపథ్యంలో ప్రయాణికులు తమ ప్రయాణానికి ముందు తాజా విమాన షెడ్యూల్‌ను పరిశీలించాలని, అవసరమైతే తమ బుకింగ్‌లను మార్చుకోవడానికి లేదా ఇతర వివరాల కోసం ఖతార్ ఎయిర్‌వేస్ అధికారిక ఛానళ్లను సంప్రదించాలని ఎయిర్‌లైన్ సూచించింది.