మస్కట్: ఒమాన్‌లోని ధోఫార్ గవర్నరేట్‌లో ఉన్న ప్రముఖ పర్యాటక ప్రాంతం వాడి జర్జీజ్ లో ప్రమాదవశాత్తు లోయలో పడిపోయిన వ్యక్తిని సివిల్ డిఫెన్స్ అండ్ అంబులెన్స్ అథారిటీ (CDAA) సిబ్బంది సురక్షితంగా రక్షించారు. సమాచారం అందుకున్న వెంటనే సంఘటన స్థలానికి చేరుకున్న అత్యవసర సహాయక బృందాలు గాయపడిన వ్యక్తిని లోయ నుంచి బయటకు తీసి, తదుపరి చికిత్స కోసం సమీప ఆసుపత్రికి తరలించాయి.

ఈ ఘటన నేపథ్యంలో ఖరీఫ్ సీజన్‌లో ధోఫార్‌ను సందర్శించే పర్యాటకులు ప్రత్యేక జాగ్రత్తలు తీసుకోవాలని సివిల్ డిఫెన్స్ అధికారులు సూచించారు. ముఖ్యంగా లోయలు, జలపాతాలు, ఇతర ప్రకృతి అందాల ప్రాంతాలను సందర్శించే సమయంలో భద్రతా మార్గదర్శకాలను తప్పనిసరిగా పాటించాలని, నిర్లక్ష్యం ప్రమాదాలకు దారితీసే అవకాశం ఉందని హెచ్చరించారు.