దోహా: ఖతార్‌లో ఆగస్టు నెలలో కూడా హాట్, హ్యుమిడిటీ కొనసాగనున్నట్లు ఖతార్ వాతావరణ శాఖ వెల్లడించింది. ఈ మేరకు వాతావరణ శాఖ ఆగస్టు నెల వాతావరణ మార్గదర్శకాలను విడుదల చేసింది. వేసవిలో మూడో నెలైన ఆగస్టులో భారీ వర్షపాతం ఉండదని పేర్కొంది.
ఈ నెలలో భూ ఉపరితలంపై అల్పపీడన ప్రభావం కొనసాగుతుందని, ఎక్కువగా తూర్పు దిశ నుంచి వీచే గాలుల కారణంగా గాలిలో తేమ శాతం పెరుగుతుందని తెలిపింది. దీంతో ముఖ్యంగా తీర ప్రాంతాల్లో ఉక్కపోత అధికంగా ఉండే అవకాశం ఉందని, ప్రజలు అవసరమైన జాగ్రత్తలు తీసుకోవాలని వాతావరణ శాఖ సూచించింది