అరబ్‌ దేశాల్లో భారతీయుల కష్టాలు తీరండం లేదు. తాజాగా సౌదీ అరేబియాలోని జెడ్డా నగరంలో 1100 మంది భారతీయులు చిక్కుకున్నారు. జెడ్డాలోని సఫర్‌ జైలులో వీరిని సౌదీ అధికారులు బంధించారు. అక్రమ వలసదారులుగా గుర్తించి ఒక్కొక్కరికి రూ.10వేల చొప్పున జరిమానా విధించారు. బాధితుల్లో ఎక్కువమంది తెలంగాణలోని నిజామాబాద్‌, కరీంనగర్‌ జిల్లాలకు చెందిన వారున్నారు. పొట్టకూటి కోసం పరాయి దేశం వెళ్లి కష్టాల్లో చిక్కుకున్న వందలాది మంది భారతీయులు తిరిగి స్వదేశానికి వచ్చే అవకాశం కోసం ఎదురుచూస్తున్నారు.