మస్కట్: ఒమన్ పౌరులకు బోట్స్వానా(Botswana) ప్రయాణం మరింత సులభతరం కానుంది. ఒమన్ పౌరులు బోట్స్వానాలో 90 రోజుల వరకు వీసా లేకుండా ప్రవేశించవచ్చని ఒమన్ విదేశాంగ మంత్రిత్వ శాఖ వెల్లడించింది.

బోట్స్వానా ప్రభుత్వం ధృవీకరించిన వివరాల ప్రకారం.. ఒమన్ పౌరులు వీసా తప్పనిసరిగా పొందాల్సిన దేశాల జాబితాలో లేరు. ఈ సదుపాయం అన్ని రకాల ఒమన్ పాస్‌పోర్ట్‌లకు వర్తిస్తుంది.

అయితే బోట్స్వానాలోకి ప్రవేశించే సమయానికి పాస్‌పోర్ట్ కనీసం ఆరు నెలల కాలపరిమితి కలిగి ఉండాలి. అలాగే పాస్‌పోర్ట్‌లో కనీసం మూడు ఖాళీ పేజీలు ఉండాలని అధికారులు తెలిపారు. బోట్స్వానాకు వెళ్లే ఒమన్ పౌరులు తమ మొత్తం ప్రయాణ కాలానికి వర్తించే ఆరోగ్య బీమా తీసుకోవాలని విదేశాంగ మంత్రిత్వ శాఖ సూచించింది.