టెలికాం దిగ్గజ సంస్థ వొడాఫోన్ బంపర్ ఆఫర్ ప్రకటించింది. పోస్టుపెయిడ్ కస్టమర్లకు అపరిమిత రోమింగ్, అపరిమిత వాయిస్ కాలింగ్, 8 జీబీ డేటా ను అందించనున్నట్టు వెల్లడించింది. ఈ ఆఫర్ ను వినియోగదారులు సద్వినియోగం చేసుకోవాలంటే నెలకు రూ.1,999 చెల్లించాల్సి ఉంటుందని తెలిపింది. అదేవిధంగా ఈ ప్లాన్ కింద రూ.1,699లకు ఉచిత రోమింగ్(ఇన్ కమింగ్ కాల్స్ కు మాత్రమే), అపరిమిత వాయిస్ కాలింగ్, 6జీబీ డేటాను అందించనున్నట్టు తెలిపింది.

రోమింగ్ కాల్స్ , డేటా వాడకం ఎక్కువగా ఉన్నట్టు గుర్తించి పోస్ట్పెయిడ్ కస్టమర్ల ముందుకు ఈ ఆఫర్ ను తీసుకొచ్చినట్టు వొడాఫోన్ డైరెక్టర్(కమర్షియల్) సందీప్ కటారియా వివరించారు.

కొత్త వొడాఫోన్ ఆర్ఈడీతో, ఆల్-ఇన్-వన్ ప్లాన్ ను ఆఫర్ చేస్తూ తమ పోస్టుపెయిడ్ కస్టమర్ల రోమింగ్, డేటా, వాయిస్ కాలింగ్ అవసరాలను గుర్తిస్తున్నామని ఆయన చెప్పారు. మరింత ఎక్కువ మంది కస్టమర్ల అనుభూతిని పొందడానికి గాను 499 రూపాయలు, 699 రూపాయలు, 999 రూపాయల పోస్ట్‌పెయిడ్‌ ప్లాన్లను కూడా తెచ్చినట్టు కటారియా తెలిపారు.