కువైట్: కువైట్‌లోని అన్ని ప్రభుత్వ శాఖలు సెప్టెంబర్ 1 నుంచి తిరిగి సాధారణ ఉదయం, సాయంత్రం పని వేళల్లో పనిచేయనున్నాయి. ఈ విషయాన్ని సివిల్ సర్వీస్ బ్యూరో అధికారికంగా వెల్లడించింది. అమల్లో ఉన్న నిబంధనలు, మార్గదర్శకాల ప్రకారం ప్రభుత్వ సంస్థలు సాధారణ పని వేళలకు తిరిగి వస్తాయని బ్యూరో తెలిపింది.

వేసవి కాలానికి సంబంధించిన సర్క్యులర్ నంబర్ 11/2026 ప్రకారం జూన్ 1 నుంచి ఆగస్టు 31 వరకు ప్రభుత్వ కార్యాలయాల్లో ప్రత్యేక వేసవి పని వేళలు అమలులో ఉన్నాయి. ఆగస్టు 31తో వేసవి పని వేళలు ముగియడంతో.. సెప్టెంబర్ 1 నుంచి సాధారణ ఉదయం, సాయంత్రం పని విధానం తిరిగి అమల్లోకి రానుందని వెల్లడించారు.