ముహర్రక్: బహ్రెయిన్‌లోని అల్ హిద్ ప్రాంతంలో విక్రయానికి ఉంచిన ఆహార పదార్థాలను నిల్వ చేసే ఫ్రిజ్‌ను పగులగొట్టి, అందులోని వస్తువులను చోరీ చేసినట్లు ఆరోపణలు ఎదుర్కొంటున్న ఇద్దరు ఆసియా దేశాలకు చెందిన వ్యక్తులను పోలీసులు అరెస్ట్ చేశారు. అరెస్టైన వారి వయసు 62, 32 సంవత్సరాలు అని ముహర్రక్ గవర్నరేట్ పోలీసులు తెలిపారు.
చోరీపై ఫిర్యాదు అందిన వెంటనే పోలీసులు గాలింపు, దర్యాప్తు చర్యలు చేపట్టినట్లు బహ్రెయిన్ అంతర్గత వ్యవహారాల మంత్రిత్వ శాఖ వెల్లడించింది. దర్యాప్తులో నిందితులను గుర్తించిన పోలీసులు వారిని అదుపులోకి తీసుకున్నారు. ప్రస్తుతం వారిపై చట్టపరమైన చర్యలు కొనసాగుతున్నాయని, తదుపరి వారిని పబ్లిక్ ప్రాసిక్యూషన్‌కు అప్పగించనున్నట్లు అధికారులు తెలిపారు.