రోడ్లపై అతి వేగంతో, నిర్లక్ష్యంగా వాహనాలు నడిపేవారిని ఖచ్చితత్వంతో గుర్తించడానికిగాను కొత్త రాడార్లను రోడ్లపై అమర్చారు. ఆదివారం నుంచి ఈ రాడార్లు, నిబంధనల్ని అతిక్రమించినవారిని గుర్తించి, పోలీసులకు సమాచారం అందిస్తున్నాయి. ఆ సమాచారం ప్రకారం నిబంధనల్ని ఉల్లంఘించినవారిపై పోలీసులు కొరడా ఝుళిపించనున్నారు. మొదటి దశలో మొత్తం 10 రాడార్లను ఇన్‌స్టాల్‌ చేశారు.అల్‌ ఇత్తిహాద్‌ రోడ్‌, షేక్‌ మొహమ్మద్‌ బిన్‌ జాయెద్‌ రోడ్‌, షేక్‌ ఖలీఫా బిన్‌ జాయెద్‌ రోడ్‌లో కొత్త రాడార్లను ఏర్పాటు చేయనున్నారు. ముందు ముందు కొత్త రాడార్ల సంఖ్యను ఇంకా పెంచనున్నారు. అలాగే ఈ రాడార్ల ద్వారా ట్రాఫిక్‌ గురించి ఎప్పటికప్పుడు తెలుసుకుని, క్రమబద్దీకరించడానికి వీలవుతుందని అధికారులు తెలిపారు. అతి వేగం కన్నా ప్రాణాలు ముఖ్యమని ఈ సందర్భంగా అధికారులు వాహనదారులకు సూచించారు.