అబుదాబి: అబుదాబిలోని ముసఫ్ఫా ఐసీఏడీ-III (ICAD III) ప్రాంతంలోని ఒక ఫ్యాక్టరీలో మధ్యాహ్నం అగ్నిప్రమాదం సంభవించింది. సమాచారం అందుకున్న వెంటనే అబుదాబి పోలీసులు, అబుదాబి సివిల్ డిఫెన్స్ అథారిటీ బృందాలు ఘటనాస్థలికి చేరుకుని సహాయక చర్యలు చేపట్టాయి.

అగ్నిప్రమాదాన్ని అదుపులోకి తీసుకురావడానికి అధికారులు చర్యలు కొనసాగిస్తున్నారు. ఘటనకు సంబంధించిన తాజా సమాచారం కోసం ప్రజలు అధికారిక వర్గాలు విడుదల చేసే సమాచారాన్ని మాత్రమే నమ్మాలని అబుదాబి పోలీసులు విజ్ఞప్తి చేశారు.

కాగా, అబుదాబి ఎమిరేట్‌లో సోమవారం కూడా అల్ బహ్యా ప్రాంతంలోని ఒక వ్యవసాయ క్షేత్రంలో అగ్నిప్రమాదం సంభవించింది. ఆ మంటలను అధికారులు విజయవంతంగా అదుపులోకి తీసుకువచ్చారు. ఆ ఘటనలో ఎవరికి ఎలాంటి గాయాలు కాలేదు.