సోనాపూర్ క్యాంప్‌లో ఘనంగా గణేష్ ఉత్సవాలు.. 7,000 మందికి పైగా భక్తుల దర్శనం

దుబాయ్: దుబాయ్‌లోని సోనాపూర్ క్యాంప్‌లో గణేష్ ఉత్సవాలు ఘనంగా నిర్వహించారు. బు హలీబా, సుల్తాన్ కంపనీలకు చెందిన కార్మికుల ఆధ్వర్యంలో నిర్వహించిన ఈ వేడుకలకు కార్మికులు, భక్తులు పెద్ద సంఖ్యలో హాజరయ్యారు.

ఈరోజు జరిగిన గణేష్ ఉత్సవాల్లో సుమారు 7,000 మందికి పైగా భక్తులు పాల్గొని స్వామివారిని దర్శించుకుని ప్రత్యేక పూజలు నిర్వహించారు. గణనీయమైన సంఖ్యలో భక్తులు తరలిరావడంతో సోనాపూర్ క్యాంప్‌లో ఆధ్యాత్మిక సందడి నెలకొంది.

భక్తులకు ఉచిత అన్నదానం
ఉత్సవాలకు హాజరైన భక్తుల కోసం నిర్వాహకులు ఉచిత ఆహారాన్ని ఏర్పాటు చేశారు. భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేపట్టారు.

వివిధ ప్రాంతాల నుంచి వచ్చిన కార్మికులు, భక్తులు గణనాథుడిని దర్శించుకుని, పూజల్లో పాల్గొన్నారు. గణేష్ ఉత్సవాలను సాంప్రదాయబద్ధంగా నిర్వహిస్తూ, భక్తుల కోసం ప్రత్యేక ఏర్పాట్లు చేసిన నిర్వాహకులను పలువురు అభినందించారు.

సోనాపూర్ క్యాంప్‌లో గణేష్ ఉత్సవాల సందర్భంగా భక్తి, సాంస్కృతిక వాతావరణం నెలకొంది.