కువైట్‌:** కువైట్‌లో కొత్తగా 7 వాణిజ్య కార్యకలాపాలను ప్రవేశపెట్టారు. గల్ఫ్‌ కోఆపరేషన్‌ కౌన్సిల్‌ (GCC) దేశాల్లో ఆర్థిక కార్యకలాపాల వర్గీకరణకు సంబంధించిన యూనిఫైడ్ గైడ్ లైన్స్ కింద ఈ కొత్త కార్యకలాపాలను చేర్చినట్లు ఆర్థిక వ్యవహారాలు, పెట్టుబడుల శాఖ మంత్రి, వాణిజ్య–పరిశ్రమల శాఖ తాత్కాలిక మంత్రి అబ్దులఅజీజ్‌ అల్‌ మార్జూక్‌ ప్రకటించారు.

కొత్తగా 7 కార్యకలాపాలు

2026లో జారీ చేసిన మంత్రిత్వ శాఖ తీర్మానం నంబర్‌ 184 ప్రకారం కింది కార్యకలాపాలకు ఆమోదం లభించింది:

* సీ ట్యాక్సీ సేవలు

* సముద్ర క్రీడలు, శిక్షణ కార్యకలాపాలు

* సముద్ర మార్గంలో వినియోగదారుల ఆర్డర్ల విక్రయం, డెలివరీ

* తేలియాడే వినోద కార్యకలాపాలు

* సముద్ర ప్రాంతాల్లో ప్రకటనల ప్రదర్శన సేవలు

* సాధారణ సముద్ర మరమ్మతులు, నిర్వహణ సేవలు

* అల్యూమినియం, టెన్షన్డ్‌ ఫ్యాబ్రిక్‌తో ఆటోమేటెడ్‌ మూవబుల్‌ షేడింగ్‌ సిస్టమ్స్‌ తయారీ

పర్యవేక్షణ బాధ్యతలు

కొత్తగా ప్రవేశపెట్టిన కార్యకలాపాల్లో 6 సముద్ర సంబంధిత కార్యకలాపాలను కువైట్‌ అంతర్గత వ్యవహారాల మంత్రిత్వ శాఖ పరిధిలోని జనరల్‌ డైరెక్టరేట్‌ ఆఫ్‌ కోస్ట్‌ గార్డ్‌ పర్యవేక్షించనుంది. అల్యూమినియం, టెన్షన్డ్‌ ఫ్యాబ్రిక్‌తో ఆటోమేటెడ్‌ మూవబుల్‌ షేడింగ్‌ సిస్టమ్స్‌ తయారీ కార్యకలాపాన్ని పబ్లిక్‌ అథారిటీ ఫర్‌ ఇండస్ట్రీ పర్యవేక్షిస్తుంది. ఈ నిర్ణయం జారీ చేసిన తేదీ నుంచే అమల్లోకి వచ్చినట్లు మంత్రిత్వ శాఖ తెలిపింది. త్వరలో దీనిని అధికారిక గెజిట్‌లో ప్రచురించనున్నారు.