దోహా: భారత రాయబారి డాక్టర్ కె.శ్రీకర్ రెడ్డి ఖతార్ విదేశాంగ మంత్రిత్వ శాఖలోని ఆసియా వ్యవహారాల డైరెక్టర్‌తో సమావేశమయ్యారు. ఈ సందర్భంగా భారత్–ఖతార్ ద్వైపాక్షిక సంబంధాలపై ఇరువురు విస్తృతంగా అభిప్రాయాలను పంచుకున్నారు.

భారత్, ఖతార్ మధ్య కొనసాగుతున్న సన్నిహిత, బహుముఖ భాగస్వామ్యాన్ని మరింత బలోపేతం చేసే మార్గాలపై చర్చించారు. పరస్పర ప్రయోజనం ఉన్న వివిధ అంశాలపైనా ఇరువురు అభిప్రాయాలను మార్పిడి చేసుకున్నారు.

భారత్–ఖతార్ మధ్య ఇప్పటికే ఉన్న స్నేహపూర్వక సంబంధాలను మరింత ముందుకు తీసుకెళ్లేందుకు, పరస్పర సహకారాన్ని విస్తరించేందుకు తీసుకోవాల్సిన చర్యలపై సమావేశంలో ప్రధానంగా చర్చించినట్లు భారత రాయబార కార్యాలయం తెలిపింది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)