సోషల్‌ మీడియాలో ఓ ఫార్మసీ వ్యవహారం వెలుగు చూసింది. ఫార్మసీలో అపరిశుభ్రత ఆవరించిందనీ, ఎలుకలు యధేచ్ఛగా తిరుగుతున్నాయనీ సోషల్‌ మీడియాలో ప్రచారం జరిగింది. అధికారులు ఈ ఫార్మసీపై దాడులు జరిపి, క్లోజ్‌ చేసినట్లు వార్తలొచ్చాయి. ఈ వ్యవహారంపై స్పందించిన నేషనల్‌ హెల్త్‌ రెగ్యులేటరీ అథారిటీ (ఎన్‌హెచ్‌ఆర్‌ఎ), సోషల్‌ మీడియాలో వచ్చిందంతా వాస్తవమేనని ప్రకటించింది. ఎన్‌హెచ్‌ఆర్‌ఎ మడిసిన్స్‌ క్వాలిటీ ఎస్యూరెన్స్‌ కన్సల్టెంట్‌ హెషమ్‌ అల్‌ అవామి మాట్లాడుతూ, ఎన్‌ఆర్‌హెచ్‌ఎ సిఇఓ డాక్టర్‌ మరియమ్‌ అల్‌ జలాహా, అధికారులను ఆ ఫార్మసీలో తనిఖీలు నిర్వహించాల్సిందిగా ఆదేశాలు ఇచ్చినట్లు చెప్పారు. అయితే ఆ ఫార్మసీ పేరుని వెల్లడించలేదు. విచారణ సందర్భంగా పరుగులు, ఎలుకలు వంటివి ఫార్మసీలోని ఆహార పదార్థాల వద్ద కనిపించాయి. దాంతో పార్మసీని క్లోజ్‌ చేసి, సంబంధిత సంస్థకు నోటీసులు జారీ చేశారు. పూర్తిస్థాయిలో భద్రతా చర్యలు తీసుకోవడంతోపాటు, ప్రభుత్వం తీసుకోబడే చర్యలకు లోబడి వ్యవహరిస్తే ఫార్మసీ ప్రారంభానికి అనుమతులిచ్చే అవకాశం ఉంది.