న్యూయార్క్: ఐక్యరాజ్యసమితి 81వ జనరల్ అసెంబ్లీ (UNGA81) సమావేశాల సందర్భంగా న్యూయార్క్‌లో జరిగిన భారత్–గల్ఫ్ కోఆపరేషన్ కౌన్సిల్ (GCC) ట్రోయికా మంత్రుల సమావేశానికి భారత్ సహ అధ్యక్షత వహించింది.

సమావేశంలో భారత్–జీసీసీ సంయుక్త కార్యాచరణ ప్రణాళిక 2024–28 అమలులో ఇప్పటివరకు సాధించిన పురోగతిని సమీక్షించారు. భారత్–జీసీసీ భాగస్వామ్యాన్ని మరింత బలోపేతం చేసే మార్గాలపై కూడా చర్చించారు.

ఇరు పక్షాల మధ్య భారత్–జీసీసీ స్వేచ్ఛా వాణిజ్య ఒప్పందం (FTA) చర్చలు ప్రారంభం కావడాన్ని భారత్ స్వాగతించింది. వాణిజ్యం, పెట్టుబడులు, ఇంధనం, ఆహార భద్రత, ఆరోగ్యం, నూతన సాంకేతికతలు, సంస్కృతి, ప్రజల మధ్య సంబంధాలు వంటి రంగాల్లో సహకారాన్ని మరింత విస్తరించేందుకు భారత్ ఆసక్తి వ్యక్తం చేసింది.

అదేవిధంగా, గల్ఫ్ దేశాల్లోని భారతీయ సమాజానికి అందిస్తున్న సహకారం, మద్దతుకు జీసీసీ దేశాల నాయకత్వాలకు కృతజ్ఞతలు తెలిపారు.

నౌకాయాన స్వేచ్ఛ, సముద్ర మార్గాల భద్రతతో పాటు నావికులు మరియు వాణిజ్య నౌకల రక్షణకు భారత్ తన బలమైన నిబద్ధతను మరోసారి స్పష్టం చేసింది.

భారత్–జీసీసీ దేశాల మధ్య ఆర్థిక, వ్యూహాత్మక, సామాజిక సంబంధాలు మరింత విస్తరించేందుకు ఈ సమావేశం కీలక వేదికగా నిలిచింది.