జూనియర్ ఎన్టీఆర్ మూవీ జనతా గ్యారేజ్ రిలీజ్ డేట్ మారింది. ఒకరోజు ముందే ఈ చిత్రం విడుదల కానుంది. నిజానికి సెప్టెంబరు 2 న ఈ సినిమాను విడుదల చేస్తామని మేకర్స్ ఆ మధ్య ప్రకటించారు. అయితే ఆ రోజున భారత్ బంద్ ఉన్న కారణంగా ఒకరోజు ముందే..అంటే..సెప్టెంబరు 1 నే ఈ మూవీ విడుదలకు సన్నాహాలు చేస్తున్నారు.
అసలు ఈ చిత్రం సెప్టెంబరు 9 న రిలీజ్ అవుతుందని కూడా రూమర్స్ వచ్చాయి. దీంతో.. మేకర్స్ వీటికి ఫుల్ స్టాప్ పెట్టాలని భావించి ఈ కొత్త తేదీని ప్రకటించారని సమాచారం. జనతా గ్యారేజ్ చిత్రం షూటింగ్ ముగిసిందని, పోస్ట్-ప్రొడక్షన్ పనులు చురుకుగా సాగుతున్నాయని తెలిసింది. జూనియర్ ఎన్టీఆర్ తో బాటు డైరెక్టర్ కొరటాల శివ ఈ సినిమా గ్రాండ్ సక్సెస్ అవుతుందన్న ధీమా వ్యక్తం చేస్తున్నారు.