మస్కట్: ఒమన్‌లోకి అక్రమంగా ప్రవేశించిన 17 మంది ఆసియా దేశాలకు చెందిన వ్యక్తులను ముసందం ప్రావిన్స్ పోలీసులు అరెస్ట్ చేశారు. దిబ్బా, ఖసబ్ విలాయత్‌ల పరిధిలో పోలీసులు నిర్వహించిన తనిఖీల్లో వీరిని అదుపులోకి తీసుకున్నారు.

చట్టవిరుద్ధంగా దేశంలోకి ప్రవేశించినందుకు వీరిని అరెస్ట్ చేసినట్లు ముసందం ప్రావిన్స్ పోలీస్ కమాండ్ వెల్లడించింది. నిందితులపై చట్టపరమైన చర్యలు చేపట్టే ప్రక్రియ కొనసాగుతోందని అధికారులు తెలిపారు.