మస్కట్: సోషల్ మీడియాలో చక్కర్లు కొడుతున్న ఓ ప్రకటన పూర్తిగా నకిలీదని ఒమన్ రాయల్ పోలీస్ (ROP) స్పష్టం చేసింది. ఇలాంటి తప్పుడు సందేశాల ద్వారా ప్రజలను మోసం చేసి ఆన్‌లైన్ ఆర్థిక నేరాలకు పాల్పడే ప్రమాదం ఉందని హెచ్చరించింది.

గుర్తుతెలియని లింకులు, అనధికారిక వెబ్‌సైట్లను క్లిక్ చేయవద్దని ప్రజలకు సూచించింది. సోషల్ మీడియాలో వచ్చే సమాచారాన్ని నమ్మే ముందు రాయల్ ఒమన్ పోలీస్ అధికారిక సమాచార మార్గాల ద్వారా ధ్రువీకరించుకోవాలని కోరింది.

అనుమానాస్పద సందేశాలు లేదా లింకులు ఎదురైతే వాటిని నిర్లక్ష్యం చేయకుండా సంబంధిత అధికారులకు ఫిర్యాదు చేయాలని సూచించింది. ఆన్‌లైన్ మోసాల బారిన పడకుండా ప్రజలు అప్రమత్తంగా ఉండాలని పోలీసులు హెచ్చరించారు.