పర్యాటక ప్రియులకు, పండుగలు మరియు సెలవుల సీజన్‌లో ప్రయాణ ప్రణాళికలు వేసుకుంటున్న వారికి అమెజాన్ పే తీపి కబురు అందించింది. ప్రముఖ సేల్ ఈవెంట్ ‘ఇంపాజిబుల్ ట్రావెల్ డీల్స్ 2026’ను ప్రకటించింది. ఈ సేల్ నవంబర్ 12 నుంచి నవంబర్ 26 వరకు మొత్తం 15 రోజుల పాటు అందుబాటులో ఉండనుంది. ఈ మెగా సేల్‌లో భాగంగా దేశీయ, అంతర్జాతీయ విమాన టికెట్లపై 30% వరకు, హోటల్ రిజర్వేషన్లపై ఏకంగా 65% వరకు భారీ తగ్గింపులను అందిస్తున్నట్లు తెలిపింది. ఢిల్లీ నుంచి బ్యాంకాక్, ముంబై నుంచి దుబాయ్, కోల్‌కతా నుంచి హో చి మిన్ సిటీ వంటి అంతర్జాతీయ మార్గాలతో పాటు ముంబై-గోవా, బెంగళూరు-కొచ్చి వంటి దేశీయ మార్గాల్లో ఆకర్షణీయమైన ప్రారంభ ధరలకే టికెట్లు లభిస్తాయి. అంతేకాకుండా, దుబాయ్, సింగపూర్ సహా పలు ప్రపంచ ప్రసిద్ధ నగరాల్లోని 5-స్టార్ హోటళ్లలోనూ రాయితీ ధరల్లోనే బస చేసే వెసులుబాటు కల్పిస్తున్నారు.

అదనపు క్యాష్‌బ్యాక్, ప్రత్యేక ప్రయోజనాలు.. నవంబర్ 12 నుంచే ఎర్లీ బర్డ్ ఆఫర్లు!
ఈ సేల్‌లో ప్రయాణికులకు తక్షణ తగ్గింపులతో పాటు ప్రత్యేక క్యాష్‌బ్యాక్ ఆఫర్లు అందుబాటులో ఉన్నాయి. అమెజాన్ పే ఐసీఐసీఐ బ్యాంక్ క్రెడిట్ కార్డ్ ఉపయోగించే ప్రైమ్ సభ్యులకు 5% అదనపు క్యాష్‌బ్యాక్, నాన్-ప్రైమ్ సభ్యులకు 3% క్యాష్‌బ్యాక్ లభిస్తుంది. అలాగే బస్ టికెట్ బుకింగ్‌లపై 17% వరకు తగ్గింపుతో పాటు ₹100 ఫ్లాట్ క్యాష్‌బ్యాక్ పొందవచ్చు. ముఖ్యంగా నవంబర్ 12, 13 తేదీల్లో ప్రారంభమయ్యే ‘ఎర్లీ బర్డ్ ఆఫర్ల’లో భాగంగా విమానాలపై గరిష్టంగా ₹500 వరకు, హోటళ్లపై గరిష్టంగా ₹10,000 వరకు 10% క్యాష్‌బ్యాక్ అందుకోవచ్చని అమెజాన్ పే పేమెంట్స్ డైరెక్టర్ గిరీష్ కృష్ణన్ తెలిపారు. 24/7 కస్టమర్ సపోర్ట్, తక్కువ క్యాన్సిలేషన్ ఛార్జీలు మరియు ‘బుక్ నౌ పే లేటర్’ వంటి సౌకర్యాలతో Amazon.in యాప్ లేదా వెబ్‌సైట్‌లోని ట్రావెల్ విభాగం ద్వారా కస్టమర్లు ఈ ఆఫర్లను పొందవచ్చు.