యూఎస్‌లో గ్రాడ్యుయేషన్‌ పూర్తి చేసుకున్న ఓ యువకుడు, దుబాయ్‌లోని ఓ భవనంపైనుంచి కిందపడి ప్రాణాలు కోల్పోయాడు. దుబాయ్‌లోని అతని తల్లిదండ్రులు నివసిస్తున్న ఓ భవనంలోని 8వ ఫ్లోర్‌ నుంచి కిందపడిపోయాడా యువకుడు. ఉదయం 10 గంటల సమయంలో ఈ ప్రమాదం జరిగింది. ఫస్ట్‌ ఫ్లోర్‌ బాల్కనీలో పడిన వెంటనే అతను ప్రాణాలు కోల్పోయాడని ప్రత్యక్ష సాక్షులు చెప్పారు. మెడిసిన్‌లో విద్యను అభ్యసించిన ఆ యువకుడు, తన కోర్స్‌ని ఇటీవలే పూర్తి చేసుకుని వచ్చాడు. అతని సోదరి కూడా మెడిసిన్‌ చదువుతోంది. ప్రమాదం జరిగిన సమయంలో మృతుడి తల్లిదండ్రులు ఆ అపార్ట్‌మెంట్‌లో లేరు. మృతుడు భారతదేశానికి చెందినవాడు.