ద్వైపాక్షిక సంబంధాల బలోపేతానికి.. ఇటలీకి సౌదీ ఆరోగ్య మంత్రి..!!

- November 19, 2026 , by Maagulf
ద్వైపాక్షిక సంబంధాల బలోపేతానికి.. ఇటలీకి సౌదీ ఆరోగ్య మంత్రి..!!

రోమ్: సౌదీ అరేబియా ఆరోగ్య మంత్రి ఫహద్ అల్-జలాజెల్ అధికారిక పర్యటన నిమిత్తం ఇటలీకి వెళ్లారు. ఇరు దేశాల మధ్య ద్వైపాక్షిక సంబంధాలను మరింత బలోపేతం చేయడం, ఆరోగ్య రంగంలో సహకారాన్ని విస్తరించడం, వ్యూహాత్మక భాగస్వామ్యాలకు అవకాశాలను అన్వేషించడం ఈ పర్యటన ప్రధాన లక్ష్యమని అధికారులు తెలిపారు. రెండు రోజుల పాటు కొనసాగనున్న ఈ పర్యటనలో భాగంగా అల్-జలాజెల్ ఇటలీ ఆరోగ్య రంగానికి చెందిన ఉన్నతాధికారులు, ప్రముఖులతో సమావేశం కానున్నారు. 

అధునాతన వైద్య సేవలు, ప్రత్యేక వైద్యం, ఆరోగ్య రంగంలో పెట్టుబడులు, డిజిటల్ హెల్త్, బయోటెక్నాలజీ, వైద్య సిబ్బంది అభివృద్ధి వంటి అంశాలపై చర్చించనున్నారు. అలాగే ఇటలీలోని పలు ఆసుపత్రులు, వైద్య పరిశోధనా సంస్థలను మంత్రి సందర్శించనున్నారు. అక్కడి వైద్య విధానాలను పరిశీలించడంతో పాటు, ఆరోగ్య సేవల అభివృద్ధికి సంబంధించిన అనుభవాలు, సాంకేతిక పరిజ్ఞానాన్ని పరస్పరం పంచుకోనున్నారు.

సౌదీ అరేబియా, ఇటలీ మధ్య కొనసాగుతున్న బలమైన సంబంధాల్లో భాగంగా ఈ పర్యటన జరుగుతోంది. ఆరోగ్య రంగంలో ఒప్పందాలు కుదుర్చుకోవడం, పరిజ్ఞానాన్ని పంచుకోవడం, పెట్టుబడులు మరియు ఆవిష్కరణలకు కొత్త అవకాశాలను సృష్టించడం ద్వారా ఇరు దేశాల వైద్య రంగాలను మరింత అభివృద్ధి చేయాలని లక్ష్యంగా పెట్టుకున్నాయి.

Click/tap here to subscribe to MAAGULF news alerts on Telegram

తాజా వార్తలు

- మరిన్ని వార్తలు

Copyrights 2015 | MaaGulf.com