నందు, తేజస్విని ప్రకాశ్ హీరోహీరోయిన్లుగా నటిస్తున్న తాజా చిత్రం 'కన్నుల్లో నీ రూపమే..'. కొత్త దర్శకుడు బిక్స్ తెరకెక్కిస్తున్న ఈ అందమైన ప్రేమకథా చిత్రం టాకీ పూర్తి చేసుకుంది. ఇటీవలే హీరో నందు, ఇతర నటీనటులపై కొన్ని కీలక సన్నివేశాలు చిత్రీకరించారు. మూడు నెలల పాటు శరవేగంగా షూటింగ్ జరుపుకున్న 'కన్నుల్లో నీ రూపమే..' చిత్రం టాకీ పనులు తాజాగా కంప్లీట్ అయ్యాయి. నందు, తేజస్వినిపై కొన్ని సాంగ్స్ షూటింగ్ కోసం వచ్చే నెలలో కర్ణాటక వెళ్లనుంది మూవీయూనిట్. పోసాని కృష్ణమురళి, 30 ఇయర్స్ పృథ్వి కీలక పాత్రలు పోషిస్తున్న ఈ సినిమాను ఎస్.పి. క్రియేటివ్‌ ఆర్ట్స్‌ పతాకంపై భాస్కర్‌ బాసాని నిర్మిస్తున్నారు. సంగీతం - సాకేత్ కోమండూరి, సినిమాటోగ్రఫి- సుభాష్ దొంతి, ఎడిటర్ - మహెందర్ నాథ్.బి