నందమూరి కల్యాణ్‌రామ్‌ హీరోగా పూరీజగన్నాథ్‌ దర్శకత్వంలో తెరకెక్కుతున్న 'ఇజం' చిత్రం కొత్త పోస్టర్‌ విడుదలైంది. హరికృష్ణ పుట్టినరోజు సందర్భంగా శుభాకాంక్షలు తెలుపుతూ ఆయన తనయుడు కల్యాణ్‌రామ్‌ తన ట్విట్టర్‌ ద్వారా దీన్ని అభిమానులతో పంచుకున్నారు. అందరికీ నచ్చుతుందని ఆశిస్తున్నట్లు ట్వీట్‌ చేశారు. ఇప్పటికే కల్యాణ్‌రామ్‌ లుక్‌కు సంబంధించిన పోస్టర్లను విడుదల చేశారు. అయితే ఆయన సిక్స్‌ప్యాక్‌లో ఉన్న పోస్టర్‌ను విడుదల చేయడం ఇదే ప్రథమం. ఈ చిత్రంలో కల్యాణ్‌రామ్‌ జర్నలిస్టు పాత్రలో కనిపించనున్నారు. 2015లో మిస్‌ ఇండియా కిరీటం గెలుచుకున్న అదితి ఆర్య ఈ చిత్రంలో కథానాయికగా నటిస్తున్నారు.