దుబాయ్: ' ము...ము...ముద్దు అంటే చేదా ? నీకా ఆ ఉద్దేశ్యం లేదా ' ... అని ఏకంగా విమానంలోని సహాయకురాలికి చటుక్కున ఓ  ముద్దు పెట్టిన  విమాన ప్రయాణికుడికి జైలుశిక్ష అనంతరం యుఎఇ నుంచి దేశ బహిష్కరణ రెండు లభించాయి. టాంజానియా నుంచి  దుబాయ్ వెళుతున్న ఎమిరేట్స్ ఎయిర్లైన్ విమాన సహాయకురాలితో  సెల్ఫీ ఫోటో దిగుతానని  ఓ ప్రయాణికుడు ఆమెను ఒప్పించి  ఆకస్మికంగా ముద్దాడి ముప్పతిప్పలు పాలయ్యాడు. 'లైంగికంగా  మహిళని వేధించిన ' కేసులో  42 ఏళ్ల టాంజానియా వ్యక్తి ముద్దాయి అని నిర్ధారించిన దుబాయ్  క్రిమినల్ కోర్ట్ తన నివేదికలో పేర్కొంది.
విమాన సహాయురాలైన 25 ఏళ్ల అమెరికన్ యువతీ వద్దకు వెళ్లిన టాంజానియా వ్యక్తి  తనతో సెల్ఫీ ఫోటోకు ఒక ఫోజు ఇవ్వాలని కోరాడు. ఆమె ఒప్పుకొనడమే తడవుగా లటుక్కున ఆమెను మీదకు లాక్కొని  కౌగలించుకొని చటుక్కున ముద్దు పెట్టుకొన్నాడు. దాంతో విస్తుపోయిన ఆమె ఈ విషయమై ఏప్రిల్ నెలలో   పోలీసులకు పిర్యాదు చేసింది.
ఆ  స్త్రీ  కోర్టులో నాటి సంఘటన గూర్చి మాట్లాడుతూ, "ఆ వ్యక్తి తనతో  ఒక సెల్ఫీఫోటో దిగుతానని తొలుత అభ్యర్ధించాడు దానికినేను ఓ కే అన్నాను . నేను ఫోటో కోసం అతని పక్కన నిలిచినప్పుడు  నన్ను అతను గబుక్కున కౌగిలించుకొన్నాడు. అంతే కాక  నా మెడపై ముద్దాడినట్లు వెంటనే తేరుకున్నతాను ఆ వ్యక్తిని  దూరంగా నెట్టివేసినట్లు సాక్ష్యం ఇచ్చింది, పోలీసు తెలిపిన వివరాల ప్రకారం, టాంజానియా వ్యక్తి  మొదట సంఘటనపై తన తప్పుని అంగీకరించాడు, కానీ తరువాత ఆమెను 'లైంగిక వేధింపులకు' ఏమాత్రం గురిచేయలేదని జూన్ నెలలో  కోర్టు విచారణ సందర్భంగా ఖండించాడు. అయితే, న్యాయస్థానం  ఆ వ్యక్తిని దోషిగా నిర్ణయించి మూడు నెలల  జైలుశిక్ష విధించింది   ఆ తర్వాత దేశమునుండి బహిష్కారించాలని  ఆదేశించింది.