జయ.బి దర్శకత్వంలో హరీష్‌, అవంతిక జంటగా తెరకెక్కుతున్న చిత్రం 'వైశాఖం'. సాయికుమార్‌ ప్రత్యేక పాత్ర పోషిస్తున్నారు. బి.ఎ.రాజు నిర్మాత. చిత్రీకరణ చివరిదశకు చేరుకుంది. ఈ సందర్భంగా చిత్రబృందం విలేకరుల సమావేశం నిర్వహించారు. దర్శకురాలు జయ మాట్లాడుతూ.. 'సినిమా పేరు వినగానే చాలామంది ప్రత్యేకమైన అనుభూతికి గురువుతున్నారు. సినిమా కూడా అలాంటి భావనే కలిగిస్తుంది. కుటుంబ కథతో తెరకెక్కిన ఈ చిత్రంలో ప్రతి పాత్రకూ ప్రాధాన్యముంది' అని అన్నారు. నిర్మాత మాట్లాడుతూ.. 'వైశాఖం'లో ప్రేమ, వినోదంతో పాటు ఓ మంచి సందేశం ఉందన్నారు. కార్యక్రమంలో సంగీత దర్శకుడు వసంత్‌, ఛాయాగ్రాహకుడు వాలిశెట్టి సుబ్బారావు, నటులు కాశీ విశ్వనాథ్‌, భద్రమ్‌, సుదర్శన్‌, శివ, శ్రవణ్‌ తదితరులు పాల్గొన్నారు.