అబుదాబీ: పబ్లిక్‌ సెక్టార్‌లో ఈద్‌ అల్‌ అదా శెలవులు సెప్టెంబర్‌ 11 నుంచి 15 వరకు ఉంటాయి. ప్రైవేట్‌ సెక్టార్‌లో అయితే సెప్టెంబర్‌ 11 నుంచి 13 వరకు ఈ సెలవుల్ని ప్రకటించారు. పబ్లిక్‌ సెక్టార్‌ సెలవుల్ని, క్యాబినెట్‌ మీటింగ్‌లో ఆమోదించారు. వైస్‌ ప్రెసిడెంట్‌ మరియు ప్రైమ్‌ మినిస్టర్‌ ఆఫ్‌ యూఏఈ మరియు దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌ నేతృత్వంలో ఈ సమావేశం జరిగింది. ప్రైవేటు సెక్టార్‌ సెలవుల్ని మినిస్టర్‌ ఆఫ్‌ ఎమిరటైజేషన్‌ అండ్‌ హ్యూమన్‌ రిసోర్సెస్‌ మిన్టిర్‌ సక్ర్‌ గోబాష్‌ సర్క్యులర్‌ ద్వారా ప్రకటించారు. ఈద్‌ అల్‌ అదా సందర్భంగా ప్రెసిడెంట్‌ షేక్‌ ఖలీఫా బిన్‌ జాయెద్‌ అల్‌ నహ్యాన్‌, సుప్రీం కౌన్సిల్‌ మెంబర్స్‌, రూలర్స్‌ ఆఫ్‌ ది యుఎఇ, ప్రభుత్వం, ఎమిరేటీలు, రెసిడెంట్స్‌, అలాగే అరబ్‌ మరియు ఇస్లామిక్‌ ప్రపంచానికి చెందిన ప్రజలందరికీ క్యాబినెట్‌, గోబాష్‌ శుభాకాంక్షలు తెలిపారు.