ఆఫ్గాన్‌ రాజధాని కాబూల్‌లో జంటపేలుళ్లు జరిగిన కొద్ది గంటలకే మరోసారి కాల్పులు కలకలం రేగింది. నగరంలోని పమ్లారేనా ఛారిటీ సంస్థపై దాడి జరిగింది. సాయుధులైన ఇద్దరు దుండగులు ఛారిటీ భవనంలోకి చొరబడి కాల్పులకు తెగబడినట్లు అధికారులు వెల్లడించారు. ఇందులో ఓ దుండగుడిని పోలీసులు హతమార్చగా.. మరొకరిని అదుపులోకి తీసుకున్నారు. అయితే దాడికి గల కారణాలు తెలియరాలేదు.కాబూల్‌లో సోమవారం జంట పేలుళ్లు జరిగిన విషయం తెలిసిందే. నగరంలోని రద్దీగా ఉన్న ప్రాంతంలో తాలీబన్‌ ఉగ్రవాదులు ఆత్మాహుతి దాడికి పాల్పడ్డారు. ఈ ఘటనలో 24 మంది మృతిచెందగా.. మరో 91 మందికి పైగా పౌరులు గాయపడినట్లు అధికారులు తెలిపారు.