కావలసిన పదార్థాలు: బ్రొకొలి - 4 పువ్వులు, వెల్లుల్లి - 2 రేకలు, ఉల్లిపాయ -1, (నానబెట్టిన) శనగలు - 1 కప్పు, వెజిటెబుల్‌ స్టాక్‌ - అర కప్పు, మిరియాలపొడి - అర టీ స్పూను, ఉప్పు - పావు, టీ స్పూను, నూనె - అర టేబుల్‌ స్పూను. 

గ్రేవీ కోసం: వెల్లుల్లి - 2 రేకలు, వెజిటెబుల్‌ స్టాక్‌ - అరకప్పు, టమోటాలు - 2, (రెడ్‌) క్యాప్సికం - 1, గరం మసాల పొడి - 1 టీ స్పూను, కారం - అర టీ స్పూను, జీలకర్రపొడి - 1 టీ స్పూను. 
తయారుచేసే విధానం: గ్రేవీ కోసం పైన చెప్పిన పదార్థాలన్నీ ముందుగా గ్రైండ్‌ చేసి పెట్టుకోవాలి. నూనెలో ఉల్లి తరుగు, వెల్లుల్లి, బ్రొకొలి ముక్కలు, శనగలు రెండు నిమిషాలు వేగించి వెజిటెబుల్‌ స్టాక్‌ వేసి మూత పెట్టి 5 నిమిషాలు ఉడికించాలి. తర్వాత గ్రేవీ వేసి 15 నిమిషాలు ఉంచాలి. ఉప్పు, మిరియాలపొడి కలిపి దించేయాలి. పరాటాల్లోకి ఈ కూర బాగుంటుంది.