మెగా అభిమానులకి గుడ్ న్యూస్. ఎప్పుడెప్పుడా అని ఎదురు చూస్తున్న మెగాస్టార్ చిరంజీవి 'ఖైదీ నెం.150' రిలీజ్ డేట్ ఫిక్సయింది. వచ్చే యేడాది సంక్రాంతి కానుకగా ఖైదీని ప్రేక్షకుల ముందుకు రానుందనే విషయం తెలిసిందే. తాజాగా, దర్శకుడు వినాయక్ ఖైదీ రిలీజ్ డేట్ ని వెల్లడించారు. భోగి రోజున ఖైదీని ప్రేక్షకుల ముందుకు తీసుకురానున్నట్టు ప్రకటించారు. దీంతో.. మెగా అభిమానులు ఆనందం వ్యక్తం చేస్తున్నారు.ఇదిలావుండగా.. మెగాస్టార్ చిరంజీవి రీ-ఎంట్రీ ఇస్తోన్న చిత్రం "ఖైదీ నెం. 150". తమిళ్ 'కత్తి'కి రిమేక్ ఇది. వివి.వినాయక్ దర్శకత్వంలో తెరకెక్కుతోన్న ఈ చిత్రంలో చిరు సరసన కాజల్ జతకట్టనుంది.సంగీతం దేవీ శ్రీ ప్రసాద్. కొణిదెల ప్రొడక్షన్స్ కంపెనీ పతాకంపై మెగాపవర్ స్టార్ రామ్ చరణ్ ఈ చిత్రాన్ని అత్యంత భారీ బడ్జెట్ తో ఎంతో ప్రతిష్ఠాత్మకంగా నిర్మిస్తున్నాడు.