టాక్ తో సంబందం లేకుండా రికార్డ్ కలెక్షన్స్ తో దూసుకుపోతున్న మూవీ జనతా గ్యారేజ్.. మోహన్ లాల్, జూనియర్ ఎన్టీఆర్, సమంతా, నిత్యా మీనన్ లు నటించిన ఈ మూవీకి కొరటాల శివ దర్శకుడు. ఈ చిత్రాన్ని ఇంత పెద్ద హిట్ చేసినందుకు గాను అభిమానులకు కృతజ్ఞతలు తెలిపేందుకు థ్యాంక్స్ మీట్‌ని ఏర్పాటు చేశారు. ఈ కార్యక్రమానికి జూనియర్ ఎన్టీఆర్, సమంత, కొరటాల శివ, దేవి శ్రీ ప్రసాద్, రాజీవ్ కనకాల, బ్రహ్మాజీ, అజయ్, బెనర్జీ, రామ జోగయ్య శాస్త్రి తదితరులు హాజరయ్యారు. ఈ మూవీ సక్సెస్‌పై ప్రతి ఒక్కరు తమ స్పందన వినిపించారు. మంచి కథకు మంచి నటులు తోడైతే మంచి సినిమా ఎలా తీయవచ్చో కొరటాల శివ నిరూపించారని ఈ మీట్ లో పాల్గొన్న తారలు ప్రశంసించారు.