అమ్మాయిల ముఖంలో పెదాలు అందానికి ఒక ఆకర్షణ. పెదాలు గులాబీ రంగులో ఉంటే అందం మరింత ఎక్కువవుతుంది. వీటి కోసం రకరకాల లిప్‌ స్టిక్స్‌, లిప్‌ గ్లాసెస్‌ వాడుతూ ఉంటారు. అవి అందరికీ పడవు. అందుకే సహజంగానే పెదాల రక్షణకు, అందానికి కొద్దిగా జాగ్రత్త తీసుకుంటే సరిపోతుంది. అనాస, బొప్పాయి ముక్కలను మెత్తగా గుజ్జులా చేసి, దానిని పెదాలకు పట్టించి 20 నిముషాల తరువాత కడిగేస్తే నల్లగా ఉన్న పెదాలు గులాబీ రంగులోకి మారతాయి. గులాబీ రేకులను మెత్తగా చేసి దానికి చెంచా తేనె కలిపి పెదాలకు రాసి పావుగంట తర్వాత కడిగేస్తే పెదాలు లేత గులాబీ రంగులోకి రావడమే కాకుండా మృదువుగా తయారవుతాయి. అప్పుడప్పుడూ చిన్న ఐస్‌ ముక్కను తీసుకుని పెదాల మీద రుద్దితే రక్త ప్రసరణ బాగా జరిగి, పెదాల మీద పగుళ్లు లేకుండా మృదువుగా మారతాయి. పెదాలు సున్నితమైనవి గనుక కెమికల్స్‌తో తయారయ్యే బ్యూటీ ప్రోడక్ట్స్‌కి దూరంగా ఉండటమే మేలు.