భారత క్రికెట్‌ జట్టులో అత్యంత కీలకమైన ఆటగాడిగా, విజయవంతమైన కెప్టెన్‌గా, ఝార్ఖండ్‌ డైనమైట్‌గా గుర్తింపు తెచ్చుకున్నారు ఎంఎస్‌ ధోని. ప్రస్తుతం ఆయన జీవితం ఆధారంగా హిందీలో తెరకెక్కుతున్న సినిమా 'ఎంఎస్‌ ధోని'. 'అన్‌ టోల్డ్‌ స్టోరీ' అన్నది టాగ్‌లైన్‌. ఈ చిత్రానికి నీరజ్‌పాండే దర్శకత్వం వహిస్తున్నారు. సుశాంత్‌సింగ్‌ ఇందులో ధోనిగా నటిస్తున్నారు. కియారా అద్వాని, అనుపమ్‌ కౌర్‌, భూమికాచావ్లా, రాజేష్‌ శర్మ ఇతర తారాగణం. ప్రసుత్తం ఈ సినిమా తమిళంలో కూడా విడుదలవుతోంది. ధోనికి తమిళనాట పెద్ద సంఖ్యలో అభిమానులు ఉన్నారు. అందులోనూ ఐపీఎల్‌లో చెన్నై సూపర్‌కింగ్స్‌ జట్టుకు ఆయనే సారథి కావడంతో..ఇక్కడి క్రీడాభిమానులకు ధోని అంటే 'మనోడే' అన్నంతగా అభిమానం చూపుతారు. అందుకే ఈ చిత్రంపై కోలీవుడ్‌లోనూ అంచనాలు పెరిగాయి. ప్రస్తుతం అనువాద కార్యక్రమాలు వేగంగా సాగుతున్నాయి. 150 పైగా థియేటర్లలో విడుదల చేయనున్నారు.అదేవిధంగా చెన్నైలోని కొన్ని థియేటర్లలో హిందీలో కూడా విడుదల చేయనున్నట్లు చిత్రవర్గాలు పేర్కొన్నాయి