మనామా: క్రౌన్‌ ప్రిన్స్‌, డిప్యూటీ సుప్రీం కమాండర్‌, ఫస్ట్‌ డిప్యూటీ ప్రైమ్‌ మినిస్టర్‌ ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా త్వరలో 3,200 హౌసింగ్‌ యూనిట్స్‌ని పంపిణీ చేయనున్నట్లు మినిస్టర్‌ బాసిమ్‌ అల్‌హామర్‌ చెప్పారు. సెప్టెంబర్‌ 25 నుంచి ఈ పంపిణీని ప్రారంభించేందుకు మినిస్ట్రీ ఏర్పాట్లు చేస్తోంది. హౌసింగ్‌ మినిస్ట్రీకి చెందిన అధికారులు, సెలవురోజులు మరియు వారాంతాల్లో కూడా వర్క్‌ చేస్తున్నారనీ, లబ్దిదారులు, వెయిటింగ్‌ లిస్ట్‌ మీద కసరత్తులు చేస్తున్నారని అధికారిక వర్గాలు వెల్లడించాయి. ఈస్ట్‌ హిద్‌ ప్రాజెక్ట్‌ - ముహర్రాక్‌, రియాద్‌ అక్సర్‌ హజియాత్‌ ప్రాజెక్టులు - సదరన్‌ గవర్నరేట్‌ పరిధిలోనూ బ్లాక్‌ 609 ప్రాజెక్ట్‌ సిట్రా - క్యాపిటల్‌ గవర్నరేట్‌ పరిధిలోనూ ఈ హౌసింగ్‌ యూనిట్స్‌ పంపిణీ జరుగుతుంది. అల్‌హమర్‌ ఈ సందర్భంగా మాట్లాడుతూ, మినిస్ట్రీ 3,000 యూనిట్స్‌ని ఈద్‌ అల్‌ ఫితర్‌ సమయంలో షెడ్యూల్‌ ప్రకారం పంపిణీ చేయడంలో సక్సీడ్‌ అయ్యిందని తెలిపారు.