వైస్‌ ప్రెసిడెంట్‌, ప్రైమ్‌ మినిస్టర్‌ ఆఫ్‌ ది యూఏఈ, రూలర్‌ ఆఫ్‌ దుబాయ్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, రియో పారా ఒలింపిక్స్‌లో గోల్డ్‌ మెడల్‌ సాధించినందుకుగాను 47 ఏళ్ళ ఖామిస్‌ ఖలాఫ్‌ని ప్రశంసలతో ముంచెత్తారు. పురుషుల 88 కిలోల వెయిట్‌ లిఫ్టింగ్‌ పోటీల్లో ఖలాఫ్‌ గోల్డ్‌ మెడల్‌ సాధించారు. రియో పారా ఒలింపిక్స్‌కి వెళుతూ ఈ సారి ఖచ్చితంగా పతకం తీసుకొస్తాననే హామీ ఇచ్చిన ఖలాఫ్‌ మాట నిలబెట్టుకోవడం పట్ల ప్రశంసలు వెల్లువెత్తుతున్నాయి. 2012లో తన ప్రదర్శన నిరాశపరిచిందని, ఈసారి సాధించిన పతకంతో తాను పూర్తి ఆనందంతో ఉన్నట్లు పతకం గెలిచిన తర్వాత ఖలాఫ్‌ అన్నారు. యూఏఈ ఇప్పటికే రెండు సిల్వర్‌ మెడల్స్‌ని సొంతం చేసుకుంది. ఖలాఫ్‌ గోల్డ్‌ మెడల్‌ సాధించడం పట్ల దేశమంతా గర్విస్తోందని షేక్‌ మొహమ్మద్‌ ఈ సందర్భంగా ట్విట్టర్‌ ద్వారా పేర్కొన్నారు.