నటుడు నరేష్‌ తనయుడు నవీన్‌ను హీరోగా పరిచయం చేస్తున్న 'నందిని నర్సింగ్‌ హోమ్‌ (ఇక్కడ అందరు క్షేమం)' చిత్రం ఫస్ట్‌లుక్‌ విడుదలైంది. హైదరాబాద్‌లోని కృష్ణ నివాసంలో ఈ ఫస్ట్‌లుక్‌ను విడుదలను విడుదల చేశారు. కృష్ణ, విజయనిర్మల, నరేష్‌తోపాటు చిత్ర బృందం ఈ కార్యక్రమానికి హాజరయ్యారు. పి.వి. గిరి దర్శకత్వం వహిస్తున్న ఈ చిత్రంలో నిత్య కథానాయికగా నటిస్తున్నారు. జి. రాధా కిషోర్‌, భిక్షమయ్య సంగం ఈ చిత్రానికి నిర్మాతలుగా వ్యవహరిస్తున్నారు. విజయ్‌ కొరియోగ్రఫీ అందిస్తున్నారు. శ్రావ్య, షకలక శంకర్‌, సప్తగిరి, వెన్నెలకిశోర్‌, తమిళ్‌ జయప్రకాశ్‌, మాధవి తదితరులు చిత్రంలో ప్రధాన పాత్రల్లో నటిస్తున్నారు.