మస్కట్‌: లండన్‌కి చెందిన మైనింగ్‌ సంస్థ సవన్నా రిసోర్సెస్‌, ఒమన్‌లో బ్లాక్‌ 4, బ్లాక్‌ 5 ప్రాంతాల్లో రాగి నిక్షేపాల్ని భారీగా కనుగొన్నట్లు వెల్లడించింది. బ్లాక్‌ 4 - అల్‌ బేదా ప్రాంతంలో, బ్లాక్‌ 5 - అల్‌ మహబ్‌ ప్రాంతాల్లో ఈ నిక్షేపాలు ఉన్నాయి. ఈ ప్రాంతాల్లోని ఐదు డిగ్గింగ్‌ సైట్స్‌ ద్వారా నిక్షేపాల వివరాల్ని వెల్లడించారు. 23.47 శాతం మెటల్‌ ఈ ప్రాంతాల్లో దొరుకుతుందని సవన్నా సంస్థ వివరించింది. 10.7 నుంచి 29 మిలియన్‌ టన్నుల కాపర్‌ ఓర్‌ని వెలికి తీసే అవకాశం ఉందనీ, దీన్నుంచి 150,000 నుంచి 700,000 టన్నుల కాపర్‌ని తీయవచ్చని సవన్నా వర్గాలు వెల్లడించాయి. మస్కట్‌ నుంచి నార్త్‌ వెస్ట్‌ దిశలో 180 కిలోమీటర్ల దూరంలో ఈ నిక్షేపాల్ని సంస్థ కనుగొంది. ఒమన్‌తోపాటు మొజాంబిక్‌లోనూ సవన్నా సంస్థ శ్రద్ధ చూపుతోంది.