మనామా: వర్క్స్‌, మునిసిపాలిటీ ఎఫైర్స్‌ మరియు అర్బన్‌ ప్లానింగ్‌ మినిస్టర్‌ ఇస్సామ్‌ ఖలాఫ్‌, అల్‌ జనాబియా రోడ్‌ నుంచి మనామా మీదుగా వెళ్ళే అల్‌ జస్రా ఇన్‌స్పెక్షన్‌ ప్రాజెక్ట్‌లోని కొత్త ర్యాంప్‌ని ప్రారంభించారు. ఈ ప్రాజెక్ట్‌ ద్వారా అల్‌ జనాబియా రోడ్‌పై ట్రాఫిక్‌ చాలా వరకు తగ్గుతుందని ఆయన చెప్పారు. ప్రాజెక్ట్‌ నిర్మాణంలో 400 కెవి పవర్‌ గ్రిడ్‌కి ఎలాంటి నష్టం కలగకుండా జాగ్రత్త చర్యలు చేపట్టారు. పేవింగ్‌ సైడ్‌ వాక్స్‌, న్యూ ట్రాఫిక్‌ సిగ్నల్స్‌ ఏర్పాటు, వార్నింగ్‌ సైన్స్‌, లైట్స్‌, అవసరమైన భద్రతా చర్యల్ని ఇంటర్‌సెక్షన్ల వద్ద ఏర్పాటు చేసినట్లు తెలిపారాయన. అల్‌ జనాబియా రోడ్‌ ఇరువైపులా రెండేసి రోడ్ల నుంచి మూడేసి రోడ్‌ లైన్ల వరకు విస్తరించేలా ప్రణాళికలు సిద్ధం చేశారు.