న్యూయార్క్‌: క్రౌన్‌ ప్రిన్స్‌ మొహమ్మద్‌ బిన్‌ నయిఫ్‌ మాట్లాడుతూ, సౌదీ అరేబియా కాందశీకులకు మద్దతుగా ఉంటుందని, అవసరమైన సహాయ సహకారాల్ని అందించేందుకు కృషి చేస్తుందని యూఎన్‌ సమ్మిట్‌లో తెలిపారు. అంతర్జాతీయ సంస్థలతో కలిసి కాందశీకుల్ని ఆదుకునేందుకుగాను కింగ్‌ సల్మాన్‌, 75 మిలియన్‌ డాలర్ల సహాయాన్ని అందించేందుకు సిద్ధంగా ఉన్నట్లు ప్రిన్స్‌ మొహమ్మద్‌ తెలిపారు. కింగ్‌డమ్‌లో 2.5 మిలియన్‌ సిరియన్లు ఉన్నారనీ, వారెవరూ కాందశీకుల్లా చూడబడటంలేదనీ, వారికి ఉచితంగా హెల్త్‌ కేర్‌, ఎడ్యుకేషన్‌ సౌకర్యాలు అందుతున్నాయని, ఉద్యోగాల్లోనూ వారికి అవకాశం కల్పిస్తున్నామని అన్నారు. యెమెన్‌ నుంచి వచ్చేవారిని విజిటర్స్‌లా చూస్తూ, వారికి తగిన సౌకర్యాల్ని కల్పిస్తున్నామనీ నివాసం ఉండేందుకు, పనిచేసుకోడానికి కొన్ని నిబంధనల నుంచి వారికి వెసులుబాటు కల్పిస్తున్నట్లు చెప్పారు ప్రిన్స్‌ మొహమ్మద్‌. ప్రపంచ వ్యాప్తంగా 65 బిలియన్‌ మంది తమ స్వదేశాల్ని విడిచి కాందశీకుల్లా బతికేందుకు ప్రయత్నిస్తున్నారనీ, వివిధ కారణాలతో ఇబ్బందులు పడుతున్న వారిని ఆదుకోవడం ప్రపంచం బాధ్యత అని ఈ సందర్భంగా పలువురు వక్తలు అభిప్రాయపడ్డారు.